Илһам Шакиров ядкаре

17 ноябрь көнне С.Сәйдәшев исемендәге Зур концертлар залында Илһам Шакиров ядкәренә багышланган гала-концерт узачак!
Үзенең кабатланмас иҗаты белән ул татар халык җырын буй җитмәслек дәрәҗәгә күтәрде, шуңа күрә Илһам Шакировка багышланган бу концертның да дәрәҗәсе югары, эчтәлеге бай булырга тиеш!
Бер концерт үз эченә берничә үзенчәлекне алачак. 17 ноябрь көнне чыгыш ясаучыларның күбесе - Ваһапов фестивале лауреатлары, нәкъ менә алар Шакиров репертуарындагы легендар җырларны лауреатларга хас булган профессионализм белән башкарачаклар.
Концертның тагын бер кабатланмас ягы - татар моңына шәрык мотивларын кертеп җибәрү. Бары тик бу кичәдә "Шәрык базары" фестивале катнашучылары – төрле милләт вәкилләре үз телләрендә, милли үзенчәлекләрен кушып Илһам Шакировның җырларын башкарачак.
Гала-концертның махсус кунагы – легендар "Ялла" төркеме. Төркемнең солисты Фаррух Закиров Илһам абый белән шәхсән таныш булып, якыннан аралашкан. "Ялла"ның чыгышы беркемне дә битараф калдырмас!
Шулай ук концертта хор һәм оркестр катнаша!
Һәм, әлбәттә, концертта барлык җырлар да бары тик тере тавышка башкарылачак. Фонограмма кую тыела!